வைட்டமின் சி சத்து நிறைந்த பச்சடி

மாங்காய் பச்சடி

தேவையான பொருட்கள்:

மாங்காய் - 2

பச்சை மிளகாய் - 4

வெல்லம் - 1/4 கப்

தேங்காய் - 1/4 கப்

மஞ்சள் தூள் - 1 டீஸ்பூன்

கடுகு உளுந்தம் பருப்பு - 1 டீஸ்பூன்

உப்பு - தேவைக்கேற்ப

எண்ணெய் - தேவைக்கேற்ப

செய்முறை:

• முதலில் மாங்காயை கழுவி  தோல் நீக்கி  பெரிய பெரிய துண்டுகளாக வெட்டிக் கொள்ளவும். பச்சை மிளகாயை கீறி வைத்துக் கொள்ளவும். வெல்லத்தை பொடித்து கொள்ளவும், தேங்காயை துருவிக் கொள்ளவும்
• அடுப்பில் கடாயை வைத்து எண்ணெய் சேர்த்து சூடானதும் கடுகு உளுந்தம் பருப்பு தாளித்து கொள்ளவும்
• பிறகு பச்சை மிளகாய் மற்றும் மாங்காய்களைச் சேர்த்து நன்கு வதக்கி கொள்ளவும்
• அதன் பிறகு அதில் மஞ்சள் தூள் மற்றும் உப்பு, சிறிது தண்ணீர் சேர்த்து வேக வைக்கவும்
• மாங்காய் நன்கு வெந்ததும் வெல்லம், தேங்காய் சேர்த்து கலக்கவும். 
• அட்டகாசமான மாங்காய் பச்சடி தயார். சாதம் மற்றும் தயிர் சாதம் சப்பாத்தியுடன் சாப்பிட சூப்பராக இருக்கும்.

மாங்காயின் பயன்கள்:

• புதிய இரத்த அணுக்களின் உற்பத்திக்கு தேவையான வைட்டமின் சி சத்து மாங்காயில் இருப்பதால் அணுக்களின் உற்பத்திக்கு உதவி செய்கிறது
• இரத்தத்தை சுத்தப்படுத்தி உடல் பலமாக மாங்காய் உதவுகிறது
• நரம்பு சம்பந்தப்பட்ட பிரச்சனைகளிலிருந்து விடுபடச் செய்கிறது
• முதுமை தோற்றம் வராமல் தடுத்து சருமத்தை பளபளப்புடன் இருக்கச் செய்கிறது

மாங்காய் யாரெல்லாம் சாப்பிட கூடாது?

• சூட்டை அதிகரிக்கும் தன்மை மாங்காயிலிருப்பதால் வயிற்றுவலி உள்ளவர்கள் மற்றும் சரும நோய் பிரச்சனை உள்ளவர்கள் சாப்பிடக் கூடாது.

வெல்லத்தின் பயன்கள்:

• வெல்லம் உடலின் உள்ளுறுப்புகளை சுத்தம் செய்ய வல்லது.
• செரிமான பிரச்சனை உள்ளவர்கள் வெல்லம் சாப்பிட்டால் ஜீரணக் கோளாறுகளை சரி செய்துவிடும்.
• அதிகாலையில் வெல்லத்தை சிறிது சாப்பிடுவதால் உடம்பிலுள்ள குடல் புழுக்களை கட்டுப்படுத்தப்படும்
• உடல் சோர்வு, தலைச்சுற்றல் இருக்கும் போது வெல்லம் சாப்பிட்டால் உடனடியாக தீர்வு கிடைக்கும்.

For More Interesting things Click the links

Blogg: https://leelatamilkitchen.blogspot.com/

Facebook: https://www.facebook.com/23LeelaKitchen

Youtube: http://www.youtube.com/c/LeesKitchen