நோய் எதிர்ப்புச் சக்தியை அதிகரிக்கச் செய்யும் அருமையான உணவு

சிகப்பு அரிசி ராகி புட்டு

தேவையான பொருட்கள்:

சிகப்பு அரிசு மாவு - 1/2 கப்
ராகி (அ) - 1/2 கப் கேப்பை
துருவிய தேங்காய் - 1/4 கப்
பொடித்த வெல்லம் - 1/4 கப் அல்லது 1/2 கப்
நல்லெண்ணெய் - 1 டேபிள் ஸ்பூன்
உப்பு - தேவைக்கேற்ப
தண்ணீர் - 1/2 டம்ளர்

செய்முறை:

• முதலில் சிகப்பு அரிசி மாவு மற்றும் ராகி மாவு இரண்டையும் ஒன்றாகக் கலந்து கொள்ள வேண்டும்
• வெறும் கடாயில் சிகப்பு அரிசி மற்றும் ராகி மாவு கலவையை சேர்த்து வறுத்துக் கொள்ளவும்.
• பின்னர் இந்த மாவு கலவை ஆறியதும் அதில் உப்பு சேர்த்து கொஞ்சம் கொஞ்சமாக தண்ணீர் சேர்த்து நன்கு பிசையவும்.
• மாவை பிசைந்த பின் கொழுக்கட்டை பிடித்தால் பிடிக்க வர வேண்டும், உதிரி உதிரியாக இருக்க வேண்டும். அதுதான் மாவின் பதமாகும்.
• இப்பொழுது சூடான இட்லி பாத்திரத்தில் புட்டு மாவை  வேக வைக்கவும். சுமார் 15 லிருந்து 20 நிமிடங்களில் புட்டு வெந்து விடும்.
• அதன் பின்னர் புட்டில் துருவிய தேங்காய் மற்றும் பொடித்த வெல்லம் சேர்த்து நன்கு கிளறி பரிமாறவும்.
• சுவையான சத்து நிறைந்த வாசனையான சிகப்பு அரிசி ராகி புட்டு தயார்.

பயன்கள்:
சிகப்பு அரிசி

• சிவப்பு அரிசியில்  வைட்டமின் பி, மக்னீசியம், நார்ச்சத்து உள்ளிட்டவை இருப்பதால் இருதய ஆரோக்கியமாக செயல்பட உதவுகிறது
• டைப் 2 சர்க்கரை நோயைக் குறைக்கும். 
• வாய்ப்புண்ணை குணமாக்குகிறது.
• நம் உடலிருக்கும் லோ டென்சிட்டி லிப்போபுரோட்டின் என்கிற கெட்ட கொழுப்பைக் குறைப்பதாக ஆராய்ச்சியின் மூலம் நிரூபிக்கப்பட்டுள்ளது.
• உயர் ரத்த அழுத்த்தைக்குறைக்க உதவுகிறது
• மாரப்படைப்பு வராமல் தடுக்கிறது
• பக்கவாதம் வாராமல் தடுக்கிறது
• பித்தப்பைக் கற்கள் உருவாகாமல் காக்கிறது
• மலச்சிக்கலிலிருந்து விடுபட உதவுகிறது
• ஆஸ்துமாவின் தீவிரத்தை கட்டுப்படுத்துகிறது.
• மூட்டுவலி வீக்கத்தைக் குறைக்கும்

ராகி:

• நோய் எதிர்ப்புச் சக்தியை அதிகரிக்கிறது
• மன அழுத்தத்திலிருந்தும் விடுபட உதவுகிறது
• இரத்த அணுக்களின் அளவை அதிகரிக்கச் செய்ய உதவும் இரும்புச் சத்து அதிகளவிலிருப்பதால் ரத்த சோகையை வராமல் தடுக்கிறது.
• கால்சியம், வைட்டமின் டி அதிகளவில் இருப்பதால் எலும்புகளுக்கு வலுவூட்டுகிறது.
• இரத்ததில் சர்க்கரையின் அளவைக் கட்டுக்குள் வைத்திருப்பதோடு ரத்த அழுத்த்ததையும்  சீராக வைக்க உதவுகிறது.
• லெசிதின் மற்றும் மெத்தியோனைன் அதிகளவிலிருப்பதால் கல்லீரலில் தங்கியுள்ள அதிகப்படியான கெட்ட கொழுப்புகளை கரைக்கிறது.
• ஹைப்போ தைராய்டு இருக்கின்றவர்கள் ராகியை அடிக்கடி உணவில் சேர்த்துக் கொள்வது தைராய்டை சரிசெய்யும்.
• பால் கொடுக்கும் தாய்மார்களுக்கு சிவப்பணுக்களை அதிகரிக்கச் செய்வதால் பால் சுரக்கும் தன்மை அதிகரிக்கச் செய்கிறது.
• செரிமான பிரச்சனையிலிருந்து விடுபட செய்கிறது.

இவற்றின் பயன்கள் எண்ணற்றவையாகும். எனவே கட்டாயம் உணவில் சிகப்பு அரிசி மற்றும் ராகியை சேர்த்துக் கொள்ளுங்கள். உடலுக்கும் மனத்திற்கும் நன்மையைச் செய்யுங்கள்.

For More Interesting things Click the links

Blogg: https://leelatamilkitchen.blogspot.com/

Facebook: https://www.facebook.com/23LeelaKitchen

Youtube: http://www.youtube.com/c/LeesKitchen