ஹோம்மேட் பீட்சா # Home Made Pizza


ஹோம்மேட் பீட்சா

தேவையான பொருட்கள்

பீட்சா பேஸ் செய்வதற்கு

மைதா மாவு - 1 கப்
தயிர் - 1/2 கப்
பேக்கிங் சோடா - 1/2 டீஸ்பூன்
பேக்கிங் பவுடர் -1/2 டீஸ்பூன்
உப்பு - தேவைகேற்ப
மிக்ஸ்டு ஹெர்ப்ஸ் - 1/2 டீஸ்பூன்
எண்ணெய்  - 1 1/2 டேபிள்ஸ்பூன்

பீட்சா சாஸ் செய்வதற்கு

நல்ல சிகப்பு தக்காளி - 6
வெங்காயம் - 1
காஸ்மீரி  மிளகாய் - 4
எண்ணெய் - 3 டேபிள்ஸ்பூன்
வெள்ளைப்பூடு - 10 சிறியது
டெமேட்டோ கெட்சப் - 3 டேபிள்ஸ்பூன்
உப்பு - தேவைக்கேற்ப 
சில்லிப்ளக்ஸ் - 1 டீஸ்பூன்
சர்க்கரை - 2  டீஸ்பூன்
ஓரிகேனோ -1/2 டீஸ்பூன்
பேசில் -1/2 டீஸ்பூன்

காய்கறிகள் - விருப்பதிற்கேற்ப

பெரிய வெங்காயம் சிறியது - 1
ஸ்வீட் கார்ன் - 1
குடை மிளகாய் - பாதி
மொஸரெல்லா சீஸ் - துருவியது

செய்முறை

சாஸ் செய்வதற்கு 
  • முதலில் தக்காளியை  நன்கு கழுவி அதில் வெங்காயம் மற்றும் காஸ்மீரி மிளகாய் ஆகியவையுடன் தண்ணீர் சேர்த்து வேக வைத்து எடுத்துக் கொள்ளவும். 
  • பின்னர் வேகவைத்த தக்காளியை தோலுரித்துக் கொள்ளவும்.
  • மிக்ஸி ஜாரில் தக்காளி மற்றும் வெங்காயம் காஸ்மீரி மிளகாய் சேர்த்து நன்கு அரைத்து எடுத்துக்கொள்ளவும். 
  • பின்னர் கடாயில் எண்ணெய் சேர்த்து நன்கு இடித்த வெள்ளைப்பூடு சேர்த்து நன்கு வதக்கவும்
  • அதன்பிறகு தக்காளி விழுது சேர்த்து நன்கு கிளறி கொதிக்கவிடவும்.
  • அடுத்துபடியாக டெமேட்டோ கெட்சப் மற்றும் உப்பு சேர்த்து கிளறவும். 
  • ஒரு கொதி வந்ததும் சில்லி ப்ளக்ஸ், சர்க்கரை, ஓரிகேனோ, பேசில் சேர்த்து கிளறவும். சிறிது கெட்டியானதும் இறக்கவும். சுலபமாக வீட்டிலேயே செய்யக்கூடிய பீட்சா சாஸ் தயார்
பீட்சா பேஸ் செய்வதற்கு 
  • ஒரு மிக்ஸிங் பவுலில் மைதா மாவு எடுத்துக்கொள்ளவும்
  • அதில் தயிர், பேக்கிங் சோடா, பேக்கிங் பவுடர், மிக்ஸ்டு ஹெர்ப்ஸ், எண்ணெய் ஆகியவைவற்றைச் சேர்த்து அதனுடன் தேவையான அளவு உப்பு சேர்த்து நன்கு பிசையவும். 
  • தேவைப்பட்டால் சிறது தண்ணீர் சேர்த்து கொள்ளவும். சுமார் 1 மணி நேரம் ஊற வைக்கவும். 
  • அதன் பின்னர் ஒரு தட்டையான வட்ட தட்டில் மாவை சப்பாத்தி போல் திரட்டி வைக்கவும். 
  • மெல்லியதாக திரட்டாமல் சற்று தடிமனாக தேய்க்கவும்.  திரட்டிய மாவின் மீது ஆங்காங்கே துளையிடவும். 
  • பெரிய வெங்காயத்தை நீளமாக மெல்லியதாக நறுக்கிக் கொள்ளவும்
  • ஸ்வீட் கார்ன்னை சிறிது உப்புச் சேர்த்து வேக வைத்து எடுத்துக் கொள்ளவும்
  • குடைமிளகாயையும் நீளமாக நறுக்கி வைத்துக் கொள்ளவும்
  • பீட்சா பேஸ் மீது பீட்சா சாஸ் முழுவதுமாக பரப்பி விடவும். துருவிய மொஸரெல்லா சீஸ் ஒரு லேயர்  சேர்க்கவும். 
  • பின்னர் காய்கறிகளை விருப்பதிற்கேற்ப அலங்கரிக்கவும். அடுத்த லேயர் சீஸ் சேர்க்கவும்.
  • அவனை ப்ரீ ஹீட் செய்து  450 ஃப்ரன்ஹட் அல்லது  230 செல்சியஸில் சுமார் 15 முதல் 17 நிமிடங்கள் வேக வைத்து எடுக்கவும். 
  • சுடான சுவையான ஹோம்மேட் பீட்சா தயார்.


**** For More Interesting things Click the links ****


Location: Madurai, Tamil Nadu, India

Comments

Post a Comment

subscribe Media 1 Television

Popular posts from this blog

அழகும் புத்துணர்ச்சியும் தரும் நலங்குமாவு

Image
பெண்கள் மற்றும் குழந்தைகளுக்கான வாசனை மிகுந்த நலங்குமாவு. குழந்தைகள், பெண்கள், ஆண்கள் என அனைவருமே பயன்படுத்தலாம். குறிப்பு: ஆண்கள் பயன்படுத்தும்போது கஸ்தூரி மஞ்சளை தவிர்த்து விட்டு பாசி பயரினை பயன்படுத்தலாம். கஸ்தூரி மஞ்சள்- 250கி பூலாங்கிழங்கு - 100கி ரோஜாப்பூ - 100கி ஆவாரம் பூ - 100கி கார்போக அரிசி - 100கி மலை நன்னாரி - 100கி பூஞ்சாந்துபட்டை-100கி திருமஞ்சனபட்டை - 100கி செண்பக மொட்டு - 50கி மரிக்கொழுந்து - 50 கி மருவு - 50கி பச்சிலை - 50கி கல்பாசி - 50கி அதிமதுரம் - 50கி கோரை கிழங்கு - 50கி வெட்டிவேர் - 25கி வசம்பு - 25கி லவங்க பத்திரி இலை - 25கி மேலே கூறியுள்ள பொருட்கள் அனைத்தும் நாட்டு  மருந்து கடைகளில் கிடைக்கும். இவை அனைத்தையும்  வெயில் நன்கு காயவைத்து மிஷினில் கொடுத்து அரைத்து வைத்துக் கொள்ளவும். இந்த குளியல் பொடி வாசனை மிகுந்தது மட்டுமல்லாமல் உடலில் உள்ள மருக்கள், முகத்தில் காணப்படும் கருவளையம், தோல் நோய்கள், வியர்வை நாற்றம், முகப்பரு, வாயைச் சுற்றியுள்ள கருமைபகுதியை மாற்றி முகம் பிரகாசமாக  இருக்கச் செய்யும். இத...
Read more

உடல் என்னும் இயந்திரம்

Image
இயற்கைக்கு மீறிய எச்செயலும் நோயை உண்டு பண்ணும் என்பது தெளிவு. இயற்கையோடு இயைந்ததே இந்த உடல். இதை தான் சித்தர்கள் அண்டத்திலுள்ளதே பிண்டம் பிண்டத்திலுள்ளதே அண்டம்  என்று குறிப்பிட்டுள்ளனர். எவ்வாறு இந்த உலகமானது அண்டம், காற்று, நெருப்பு, நீர், ஆகாயம், மண் என்னும் ஐம்பூதங்களால் ஆனது இந்த பூவுலகில் ஏற்படும் அனைத்து மாற்றங்களும் இந்தப் பூவுடலிலும் ஏற்படுகின்றன. இதனால்தான் வேனிற்காலத்தில் அம்மை, மஞ்சள் காமாலை, கட்டிகள் போன்ற வெப்பம் காரணமான நோய்களும், குளிர்காலத்தில் இரைப்பு, இளைப்பு, பீனிசம் போன்ற குளிர்ச்சி சம்பந்தமான நோய்களும் உடலில் தோன்றுகின்றன. அதுமட்டுமல்லாமலும் அமாவாசை, பௌர்ணமி போன்ற நாட்களில் உண்டாகும் கதிர்வீச்சு மாற்றம் உடலிலும், மனதிலும் பல பேருக்கு பாதிப்பை உண்டாக்குவதை கண்கூடாகக் காணலாம். இயற்கை அளித்த இந்த உடம்புதான் எத்தகைய அற்புதமானது. உச்சந்தலை முதல் உள்ளங்கால் வரை ஒவ்வொரு உறுப்பும் இயற்கையை படைத்த இறைவனால் எப்படி அற்புதமாக வடிவமைக்கப்பட்டிருக்கின்றது. ஒவ்வொரு உறுப்பின் செயல்பாடும் அறிவியல் பூர்வமாக ஆச்சரியமூட்டும் வகையில் அமைந்துள்ளனவே. அதுதான் மெய்ஞானத்த...
Read more