கோகுலாஷ்டமி ஸ்பேஷல் இனிப்புச் சீடை
தேவையான பொருட்கள்:
அரிசி மாவு - 1 கப்
உளுந்தம்பருப்பு - 1 - 1 1/2 டீஸ்பூன்
வெல்லம் - 1/2 கப்
வெள்ளை எள் - 1 டீஸ்பூன்
எண்ணெய் - பொரிப்பதற்கு
ஏலக்காய் பொடி - சிறிது
செய்முறை:
- முதலில் உளுத்தம் பருப்பை கடாயில் எண்ணெய் இல்லாமல் வறுத்து மிக்சியில் பொடியாக்கிக் கொள்ளவும்.
- அதே கடாயில் அரிசி மாவையும் வறுத்து எடுத்துக் கொள்ளவும்.
- மற்றொரு பாத்திரத்தில் சிறிது தண்ணீர் சேர்த்து வெல்லம் மற்றும் ஏலக்காய்த்தூள் சேர்த்து காய்ச்சி வடிகட்டி எடுத்துக் கொள்ளவும்.
- பாகு பதம் தேவையில்லை, வெல்லம் கரைந்தாலே போதும்.
- ஒரு மிக்ஸிங் பவுலில் அரிசி மாவு மற்றும் வெல்லக் கரைசலைச் சேர்த்து பிசையவும்.
- அதில் எள் மற்றும் வறுத்து பொடித்த உளுந்தம் மாவையும் சேர்த்து பிசைந்து அதில் கொஞ்சம் கொஞ்சமாக தண்ணீர் சேர்த்து பிசைந்து உருண்டைகளாக பிடித்துக் வைத்துக் கொள்ளவும்.
- அதன் பிறகு வாணலியில் எண்ணெய் ஊற்றி சூடானதும் கொஞ்சம் கொஞ்சமாக உருண்டைகளை சேர்த்து பொரித்து எடுத்துக் கொள்ளவும்.
- சூடான சுவையான இனிப்புச் சிடை தயார்.
குறிப்பு:
- சீடை உடையாமலிருக்க மாவை ஒன்று அல்லது இரண்டு முறை சலித்துக் கொள்ளவும்.
- உருண்டை தட்டும் போது அழுத்தமாக இல்லாமல் லேசாக மூன்று விரல்களைக் கொண்டு உருட்டவும்.
- வெடிப்பு இல்லாமலிருக்க சிறிய ஊசிக்கொண்டு சீடையை துளையிட்டுக் கொள்ளவும்.
- பொரிப்பதற்கு 20 நிமிடத்திற்கு முன்பே ஊருட்டி வைத்துக் கொள்ளவும்.
- சீடையின் நிறம் உளுந்தை வறுப்பதை பொறுத்தது. நன்கு சிவக்க வறுத்தால் சீடையின் நிறம் நன்கு அடர்ந்த நிறத்தில் இருக்கும்.
- சீடை எண்ணெய்யில் கரைந்தால் அதற்கு 2 காணரங்கள். ஒன்று வெல்லம் அதிகமாக இருக்கும். இல்லையென்றால் எண்ணெய் அதிக சூட்டுடன் இருக்கலாம்
- மிதமான சூட்டுடன் எண்ணெய் இருப்பது மிகவும் முக்கியம். மிதமான சூட்டுடன் இருந்தால் மட்டுமே சரியான நிறத்துடன் மொறுமொறுப்பான சீடை கிடைக்கும்
**** For More Interesting things Click the links ****
Comments
Post a Comment
subscribe Media 1 Television